निःशब्द
तुझे म्हणावे तुझेच केवळ
असे काही एक माझे निव्वळ
कुणी म्हणाले तिथेच बनती
जुळती तुटती रेशीमगाठी
मी न पाहिले हात तयाचे
तुझ्या किनारी सापडले घर
आयुष्याच्या अंक पटावर
दिले घेतले हिशेब झाले
समर्पणाच्या वाटेवरचे
आज पडावे पहिले पाउल
उलगडताना ह्रदयाची धून
सूर कापरा कातर कातर
शब्दांची वीण उसवीत जाती
शब्दांवाचून डोळ्यांचे तळ
तुझे म्हणावे तुझेच केवळ
असे काही एक माझे निव्वळ
No trackbacks yet.