२१-१२-२०१२
आज काही संपणारच असेल तर
संपू दे किल्मिष एकेका मनातलं
संपू दे वखवख, हव्यास, आणि अनावर भूक
संपू दे असूया, मत्सर, आणि वांझोटा अहंकार
संपू दे पाठलाग सोन्याच्या हरणाचा
ज्याची वाट जाते रावणाच्या असुरी महत्वाकांशेकडे
एक दिवस जळून संपण्यासाठी
संपू दे दरी तुझ्या-माझ्यातली आणि ‘त्याच्या’तली
आणि सापडू दे कस्तुरी आपापल्या आतली.
आज काही संपणारच असेल तर
संपू दे किल्मिष एकेका मनातलं
२१-१२-२०१२
मनाचिये गुंती 
No trackbacks yet.